بلوچستان بلوچستان په تو بات جان منی کُربان
من نازیناں تئی هاک ءَ مه بات پروا تئی شیران
پچے تو وت کوشے برات ءَوتءَرا تو کنےبے برات
به گِر دست ءَ وتی برات ءِبکن تو دشمنان شهمات
کوشے برات ءَ بےئے تهنا گڑا رندا کنے سلوات
نہ مَلّیت یک سرےهجبرببارتیں پتّرءَ تی گوات
تو ویل کن ناتپاکی ءَدےئےپرچے وت ءَ تاوان
تپاکی ءَ به زیر ورنا کن اَنت ایں پَهرپه تی نام ءَ
زهی آں ویل به کن کومءِبَرانت ایں اےتئی تام ءَ
بلوچ یک دستءُیک براتن تو مرچی چست بکن گام ءَ
چه آلونڈاں به گوج آ کس که لوٹ اِیت راج بنّام ءَ
کدی پوره به بیت باریں منی اِے واهگ ءُ اَرمان
بچار تو همل ءُ جیهند بچار تو کمبر ءَ شیریں
آ شیریں دادشاه ءَچار یلیں چاکر کلات گیریں
عزیز نازیں وتی شیراں که نام اش هِشتگت میریں
پدا اومان کیت مرچی هَما وهد گوستگ ءُ دیریں
من ننداں گوں یلیں بیلاں دل ءِ رازاں کناں درشان