من گنوک و شیدایاں گوں تئی اِشک ءَ
ستکگ آں من تباهاں گوں تئی اشک ءَ
هر کجا نام ءُ دپایاں گوں تئی اشک ءَ
تو بچار من کجایاں گوں تئی اشک ءَ

جلوه ئے پیش دارے تو گنوکیں دلرا
واب ءُ آرام نیستیں من شموشاں وتَرا
تو گشے کے ترا من چه دل ءَ دوست داراں
پرچادیم ءَ گرئےتو وهدے ترا من تواراں
کئے گُشی من جدایاں گوں تئی اِشک ءَ


هر کجا تئی نام منی زبانے سرایں
تو گوں من ءَ نئے منی دل گوں ترایں
تو نزانے چینچو اے دل مریت په تو
گوں هیالاں تیئگاں گوں وت ءَ گلایں
دنیا زانتیں پدایاں گوں تئی اشک ءَ



برئے دیم ءَ گوزے بے برمش ءُ بے سمائے
چم ءِ نچارئے من ءَ تو چو جلدی کجا رئے
یک دمانی ءَ تو جست نه گرئے منی هال ءَ
چو زاهر ءَ گنداں مرچاں مئے تَب ءَ نئے
مسافر دانیگ ءَ رضایاں گوں تئی اِشک ءَ

رضا مساپر