زندگی سرجمیں یاد ءُ مولم تئی
تیریں ترانگ مدے ما وَ مردم تئی

اُوئے باتیں منی تالہ ءَ پُل نبیت
ما چو شئے بے نوا مارا ھانل نبیت

زندءِ سَہت ءُ دماں بے ترا آس ءُ چر
توشُتے بیا وتی ترانگاں ھوں بہ بر

گیر کاینت من ءَ پیشیگیں نیاد تئی
نرمیں بچکندگ ءُ اِشک ءِ پَریاد تئی

شات بیت چوں ترا بے بلا بے بلا
درد ءِ پانگ کنے زھیر بند ءِ دل ءَ
ـــــــــــــــــــــــــــــــــــــــــــــــ

تو نزانے کہ ما پہ تئی ھاترا
ارس ریتکگ شپاں ربّ ءِ پاکیں درا

گوات سنگت کتگ بس ھمے ھاتر ءَ
بلکیں بیاریت تئی وشبواں یکبر ءَ

تو نزانے کہ ما پہ تئی ھاتر ءَ
ارس ریتکگ شپاں ربّ ءِ پاکیں در ءَ

گوات سنگت کتگ بس ھمے ھاتر ءَ
بلکیں بیاریت تئی وشبواں یکبر ءَ

پل ھبر بیا بہ بر داتگیں ترانگاں
گار کرتگ سپَر انچو بے زانگاں
ــــــــــــــــــــــــــــــــــــــ
نود شنزیں سباھانی امروز بیا
موسمانی دل ءُ دیدگانی ستا

عُمر پُریں تئی نازیں نازاں شتگ
بے وفا تو منءَ آس ءُ آپاں جتگ

شیرکنیں تئی ھیالاں گوں گوازی کناں
نو رفیق اے وڑا جند ءَ رازی کناں

رفیق رھچـار