بــــــــزَّگیں بلوچستـــان
بلوچستـــــان مظلــــوم

ھدا من ءَ بہ چار من چینچو بزگاں
من چینچو بے وساں ھدا من ءَ بچار

من جیڑگ ءَ اِتاں بہ جیڑ گوں ھدا
مئے جیڑگانی بُن مئے مکہیں وتن

مہ پرس چونیں زامران
نہ کنت بلوچے پھر ءُ شان
ردیگ پہ من سیمسرے
نہ راہ ءُ پہ من نئیں درے

چہ رودراتک ءَ کمے پَشت
جتگ بداں تلاہیں دشت
نو شاد نئیں گلیں نگور
منی بُگان آس ءُ چَر

کِشار ءُ پَلّ ءِ سوتکگ اَنت
مئے لوگءُ جاہ کروتکگ اَنت
بَرانیں دوست ءُ ھمبلاں
کُشیت چگل دنت جَنگلاں

شہیدیں ساہ ءُ جان منی
سُچانیں مکران منی
بلوچ پہ ھکّ ءَ در پہ در
نو آس ءَ کپتگ اَنت جگر

میار دار مرتگ اَنت
جنین ءُ چُکے برتگ اَنت
پکاریں راج ءَ کمبرے
چو دادشاہ تبیں سرے

ٹہین جاوراں ھُدا
بیار وشی آں پدا
بہ گنداں آجوئی ءَ من
من ندر باتاں پہ وتن

بهار زھری