دلہ بندو دلہ دانگ
تی واستا مه دیوانگ
منا بیحال مکن جانی
تو منی روژنه شپانی
تو شپہ ماه ماهو ستاره
بیا کنان ترا من نداره
دل منی په ترا هونه
چار منی حالتا چونه
دردو غم تو په من گاره
تو منی رنجه دواره
زندگی زندانا بندان
مه ملوران مه نکندان

جنتی هورو پری رنگ
منا پرچا کوتگ تنگ
کشته هر جا دلہ بند
تو منی تامو منی ننگ

محبتہ نامه تو جانی
تو منی زنده کهانی
تو بلوٹ مه دلا کشان
وتی ساها ترا بکشان
منی تهی واستا گنوکان
جنہ شررنگ ترا لوتان
کایان تی لوگ دپا من
گریوان تا سوبو شپا من
پچ کنه چاره دریگا
سر جنه سورین سریگا
ما را بنده وتی کیدا
کنه ساسانا تو شیدا

جنتی هورو پری رنگ
منا پرچا کوتگ تنگ
کشته هر جا دلہ بند
تو منی تامو منی ننگ

منا یاتان تهی زورتگ
دروستین دنیا مه شموشتگ
دل گوشی دیما تهی نند
کلین دنیاها دلا سند
بیا بجن گومن دپی گپ
چو نبه روچه منی شپ
ترا لـوٹی تهی پرزاد
زندگی بیاره مداریه
برشانا په تو وداره
عاشقه مستو ملاریه

جنتی هورو پری رنگ
منا پرچا کوتگ تنگ
کشته هر جا دلہ بند
تو منی تامو منی ننگ