کدی دور بیئں ادا چہ ما
گم ءِ بنیاد ءَ گوں وت با

نہ گنداں من ادا شری
رواں من باں نی بی پروا

گماں داگے دل ءَ داتگ
چا وشی دل من پر داتگ


منی ساه شوت گوں تی روگ ءَ
برس پہ من همے سات ءَ

جهان ءِ بی وپایی ءَ
مئے دل کپتگ تباهی ءَ

مدام پریات ءُ زهیریگ انت
که لوتاں من همایی ءَ


ساهیں زُلپ من تی رستاں
بدے زُلپاں منی دستاں

وتی نام ءَ بہ گوش گوں من
مائد ءَ نام په تو بستگ


من ءَ بی تو حرام ایں واب
نہ سگاں من نباں هچ داب

هیالاں تو مکن هو دل
مہ سوچ ٹپاں مکن بی تاب


گوں تی درداں سما زیراں
کپاں وهدی من تی زهیراں

نہ سگی دل تئی درداں
ما تی درداں پہ بہ ءَ زیراں


نعیم من تو دل ءَ جیڑیں
گوش ئے چہ ما جهان سیریں

مدے دیدگ پہ دیدارا
نوید دلبر شوتگ دیریں